Back UCI ProTour AST UCI ProTour Catalan UCI ProTour Danish UCI ProTour German UCI ProTour English UCI ProTour Spanish UCI ProTour Basque UCI ProTour Finnish UCI ProTour Faeroese UCI ProTour French
D UCI ProTour isch e Serii vo bedütende Velorenne im Stroossevelosport, wo vom Wältradsportverband UCI verastaltet wird und 2005 der Velowältcup und d UCI-Wältrangliste ersetzt het. Im Johr 2009 isch si vom UCI World Calendar 2009 abglöst worde, sither bstoht si zwar no formal witer, s wärde aber kei Pünkt me vergää.
D UCI het sehr churzfristig über die kompletti Neuornig vom Stroossevelosport beschlosse: Am Ändi vo der Stroossesaison 2004 si grundlegendi Frooge vom Reglemänt vo der ProTour no unklärt gsi. Das und d Plän für d Zuekumft het zu starke Widerständ gfüehrt, bsunders vo de Verastalter und de Mannschafte, wo nit zur kümftige ProTour ghört hai. So isch öbbe z Dütschland kritisiert worde, ass die Internationali Friidensfahrt und s traditionsriiche Eidagesrenne Rund um den Henninger-Turm nit derzue ghört hai. Aber au d Organisation vo der Tour de France het starki Bedänke gege d Plän vom Velosportwältverband gha.